छन्त जि नापला वय् घण्टाघरया क्वय्

मिजं  मन स्वाका तय्, थिथि ख्वा: स्वय्
         न्ह्यालाकि म्हां मतिनाया तालं ग्वय्
मिसा मतिना गथे स्वाय्, नुगःलय् मदु थाय्
        म्हां जिला म्हां, ज्युसां अथें ह्वाय्
      छन्त जि नापला वय् घण्टाघरया क्वय्

मिजं  छ्याताबपि नुगः बियांला स्वैतं नुगः
      यय्कामेसित छं ल्हाय् मते झंगः
मिसा  बाम्हे काके मते, जित न्ह्याम्हं यः
      यचुगु पिचुगु मन जिगु कयः
        छन्त जि नापला वय् घण्टाघरया क्वय्
मिजं  धाःजक धाः छं, बपिं फाया क्येने
        बाजं सा बाजं थाका अथेंसा यने
मिसा  दुने छता पिने छता मिजं तय् पहः
        थासिं मलामेसिया त्वह मदु त्वह
        छन्त जि नापला वय् घण्टाघरया क्वय्
मिजं  निन्हेया जिवन, छ्वय् मते सितिं
       म्हगसय् म्हना जक इ फुना वनि
मिसा  ह्वने धका सदां पाः फय्के फुला ?
        थःगु तुतिइ थम्ह दना क्येने फुला ?
       छन्त जि नापला वय् घण्टाघरया क्वय्