वने नु वने नु तता तःकेहेँ वनेनु

वने नु वने नु तता तःकेहेँ वनेनु
किजायात पूजायाना धलं दंक वने नु

वने नु वने नु थः छेँय् वनेनु
किजायात पूजायाना धंलं दंक वने नु

तक्वो स्वाँ नं म्वां पले स्वाँ नं म्वां

किजायात म्वाकेत साक्षी च्वँम्ह ग्वये स्वाँ मां हे मां
हेरा नं म्वाँ मोति नं म्वाँ
किजायात म्वाकेत साक्षी च्वँम्ह खोसिं मां हे मां
लुँयागु नं म्वाँ वहयागु नं म्वाँ
किजायात फ्येतुइकेत मन्द मां हे मां

जु ह्वायेत कौ मां रथ चिइत पौ मां
किजायात सगँ बित भौ ला मां हे मां
ज्या यायेत बुँ मां च्वनेत छेँ मां
किजायात लः ल्हायेत ख्यें हे मां हे मां
बच्छि ला जाकि चुंनं मन्द च्वयेमां
यमदेवयात निमन्त्रण याये मां

तःसि केरा फलफुल सिंगाली तयेमां
धुं धुपाये मसला ग्वा ग्वये तये हे मां
आखे पसुका रङ्गीचङ्गी सिन्हं मां
सुकुन्दा त्वादेवा देवा मत च्याकेमां
मरिचरि ब्वया अय्ला: थ्वँ लुइमां
किजायात ब्व तया भ्वये नके मां हे मां

वने नु वने नु तता तःकेहेँ वनेनु
किजायात पूजायाना धलं दंक वने नु
वने नु वने नु थः छेँय् वनेनु
किजायात पूजायाना धलं दंक वने नु