ख्याः / कवँचा
कला व भाःत वा धाये मिसा व मिजँत खँ मिले मजुलकी ल्वाइगु स्वभाबिक हे खः । थ्व ल्वापु गब्लें गब्लें भराये नं धिइ यः । अले वं वैत वं वैत ब्वः ब्यूब्यूं खँला गन थ्यनी गन
"जिगु ज्याः छँ छकः याना स्वरे अले सिइका छँ जिगु ज्याःगुली थाकु धकाः"
"छंगुला छु थाकु धकाः व..."
"ख ख छंगु हे ज्याः थाकुका.... जि छन्हु सुम्क च्वनकी प्वाःद्याँलाइ.... बरो फुइँयाइ.........!!!"
थ्व बिवाद अझं तच्वया भरायेदनी खँ न्याक्कं हे तच्वइ
"छिपिं मिस्त धैपिं संगत हे याये मज्यूपिं न्ह्याब्लें खाली कच कच........."
"खः खः छिपिंजक संगत याये ज्यूपिंका....... न्ह्याब्लें मिस्तयेत दमन शोषन बाहेक मेगु छुं याये सःगु मखु छिम्सँ....!!!!"
चिकीचा धंगु खँ ल्वापु जुया भरायेदना गन थ्यनी गन अले ल्वापुया पहः हिली म्हुतु वायेगु लालाथें धायेगु सुरुजूइ न्यना न्येने मजिइक मिजंनं मिसायागु बदनाम याइ अले मिसां मिजंयागु ।
"छिपिं मिजंत धैपिं फुक्कं पशु .........."
"छिपिं मिस्त धैपिं फुक्कं नं .... का ....... "
"अप्व मिस्तयेत लाक्व पाक्व धाये मते..!! छन्त बुइकुम्ह छन्त जन्म ब्यूम्ह छिम्मां नं छम्ह मिसा हे खः ...!! छु अथे जूसा छ नं ..... या कायेला ??"
मिसाया थ्व लिसःलँ मिजँ नवाये फैमखु । वातां च्वनी छु धाये छु धाये जूइ । त्वाँ च्वनी । थ्व हे हृवताये मिसां धाइ
"मिसा धैपिं मां खः मां । थः मांयात सम्मान याये सयेकी । सम्मान याये मफुसा अपमान नं याये मते । मिस्तयेसँ मचा मबुइकुसा छु छंगु जन्म जुइला ? छ थन दैला ?? बरा मिस्तयेत हेपेयाइबा .......!""
मिजंनं लिसः बि मफया सुम्क भुग्लुँ च्वनी
थ्वला जुल थौंकन्हेया मनु तयेगु ल्वापुया छझाः तर द्यःतये दथुइनं परापूर्व कालये थथेहे ल्वापु जुल हँ । मनु तये ल्वापु जूगुलीं व ल्वापु अनहे दित तर द्यःतये ल्वापुइला थनं नं न्ह्यज्याये वन । व ल्वापु क्रमशः न्ह्यानातुं च्वन कथंह.........
"का का म्वाल धक्कु त्वते मते...!! फुइँ याये मते....!! जिपिं द्यःत ख न्हृयागु नं याये फु । व जाबो मचा बुइके छाये मफु हँ ? बरु मिसतयेसँ धका जिपिं मिजँत मदयेकँ मचा बुइके फैमखु का..!!"
"फुनि सा छाये मफु ? जिपिं नं द्यः ख । जिम्सँ नं छिपिं मिजँत मदयेक हे मचा बुइका बी फु । हुँ ब्यः........!!!!!!"
"का खला ??"
"का सा का यानां क्यंरे छु हाला जक च्वनागु ?"
"खः ला ??"
ल्वापु तच्वइ । मिजँ द्यः व मिसा द्यः तये ल्वापु खँया खँ जक मखु याना हे क्यनि माःगु अवस्थाये थ्यनि । थुकीया लागी तयारी याइ । मिजँ द्यः पिनिगु नेतृत्व महाद्यवं याइसा मिसा द्यः पितिगु नेतृत्व लक्ष्मी द्यवं याइ । मचा बुइकीगु न्हि नं क्वछिइ । छन्हु मचा बुइकीगु न्हिं नं वइ । मचानं बुइकी तर आर्श्चर्य निम्ह बुम्हं मचा पूर्ण मजु । महाद्यःवं बुइकुम्ह मचाया म्हये ला व हि छुं मरु । क्वयेँ व क्वयेँ जक दुम्ह कवँचा मचा बुइ सा उखे लक्ष्मी द्यःवं बुइकुम्ह मचाया म्हये धाःसा क्वयेँ छकुनं मरुम्ह पुरा ला व ही जक दुम्ह भकुँग्वारा मचा बुइ । ओहो छुजूगु थ्व ?? बल्ल द्यः तयेसँ वाचायेकी की मिसा व मिजँ निम्हहे मां खनिसा मचा बुइकेत । निम्ह हे मिलेजूसा जक संभव जु खनि । छपा ल्हातिं मरी मबु खनि । छम्हेस्याँ जक छुँ याये फैमखु खनि । अथे हे जुया महाद्यःया लिक्कसँ कवँचा व लक्ष्मी द्यःया लिक्कसँ भकुँग्वारा ख्याःत पिवाः थें च्वनाः च्वनिगु ।
=> बुँख्याःचा नेवाः
कला व भाःत वा धाये मिसा व मिजँत खँ मिले मजुलकी ल्वाइगु स्वभाबिक हे खः । थ्व ल्वापु गब्लें गब्लें भराये नं धिइ यः । अले वं वैत वं वैत ब्वः ब्यूब्यूं खँला गन थ्यनी गन
"जिगु ज्याः छँ छकः याना स्वरे अले सिइका छँ जिगु ज्याःगुली थाकु धकाः"
"छंगुला छु थाकु धकाः व..."
"ख ख छंगु हे ज्याः थाकुका.... जि छन्हु सुम्क च्वनकी प्वाःद्याँलाइ.... बरो फुइँयाइ.........!!!"
थ्व बिवाद अझं तच्वया भरायेदनी खँ न्याक्कं हे तच्वइ
"छिपिं मिस्त धैपिं संगत हे याये मज्यूपिं न्ह्याब्लें खाली कच कच........."
"खः खः छिपिंजक संगत याये ज्यूपिंका....... न्ह्याब्लें मिस्तयेत दमन शोषन बाहेक मेगु छुं याये सःगु मखु छिम्सँ....!!!!"
चिकीचा धंगु खँ ल्वापु जुया भरायेदना गन थ्यनी गन अले ल्वापुया पहः हिली म्हुतु वायेगु लालाथें धायेगु सुरुजूइ न्यना न्येने मजिइक मिजंनं मिसायागु बदनाम याइ अले मिसां मिजंयागु ।
"छिपिं मिजंत धैपिं फुक्कं पशु .........."
"छिपिं मिस्त धैपिं फुक्कं नं .... का ....... "
"अप्व मिस्तयेत लाक्व पाक्व धाये मते..!! छन्त बुइकुम्ह छन्त जन्म ब्यूम्ह छिम्मां नं छम्ह मिसा हे खः ...!! छु अथे जूसा छ नं ..... या कायेला ??"
मिसाया थ्व लिसःलँ मिजँ नवाये फैमखु । वातां च्वनी छु धाये छु धाये जूइ । त्वाँ च्वनी । थ्व हे हृवताये मिसां धाइ
"मिसा धैपिं मां खः मां । थः मांयात सम्मान याये सयेकी । सम्मान याये मफुसा अपमान नं याये मते । मिस्तयेसँ मचा मबुइकुसा छु छंगु जन्म जुइला ? छ थन दैला ?? बरा मिस्तयेत हेपेयाइबा .......!""
मिजंनं लिसः बि मफया सुम्क भुग्लुँ च्वनी
थ्वला जुल थौंकन्हेया मनु तयेगु ल्वापुया छझाः तर द्यःतये दथुइनं परापूर्व कालये थथेहे ल्वापु जुल हँ । मनु तये ल्वापु जूगुलीं व ल्वापु अनहे दित तर द्यःतये ल्वापुइला थनं नं न्ह्यज्याये वन । व ल्वापु क्रमशः न्ह्यानातुं च्वन कथंह.........
"का का म्वाल धक्कु त्वते मते...!! फुइँ याये मते....!! जिपिं द्यःत ख न्हृयागु नं याये फु । व जाबो मचा बुइके छाये मफु हँ ? बरु मिसतयेसँ धका जिपिं मिजँत मदयेकँ मचा बुइके फैमखु का..!!"
"फुनि सा छाये मफु ? जिपिं नं द्यः ख । जिम्सँ नं छिपिं मिजँत मदयेक हे मचा बुइका बी फु । हुँ ब्यः........!!!!!!"
"का खला ??"
"का सा का यानां क्यंरे छु हाला जक च्वनागु ?"
"खः ला ??"
ल्वापु तच्वइ । मिजँ द्यः व मिसा द्यः तये ल्वापु खँया खँ जक मखु याना हे क्यनि माःगु अवस्थाये थ्यनि । थुकीया लागी तयारी याइ । मिजँ द्यः पिनिगु नेतृत्व महाद्यवं याइसा मिसा द्यः पितिगु नेतृत्व लक्ष्मी द्यवं याइ । मचा बुइकीगु न्हि नं क्वछिइ । छन्हु मचा बुइकीगु न्हिं नं वइ । मचानं बुइकी तर आर्श्चर्य निम्ह बुम्हं मचा पूर्ण मजु । महाद्यःवं बुइकुम्ह मचाया म्हये ला व हि छुं मरु । क्वयेँ व क्वयेँ जक दुम्ह कवँचा मचा बुइ सा उखे लक्ष्मी द्यःवं बुइकुम्ह मचाया म्हये धाःसा क्वयेँ छकुनं मरुम्ह पुरा ला व ही जक दुम्ह भकुँग्वारा मचा बुइ । ओहो छुजूगु थ्व ?? बल्ल द्यः तयेसँ वाचायेकी की मिसा व मिजँ निम्हहे मां खनिसा मचा बुइकेत । निम्ह हे मिलेजूसा जक संभव जु खनि । छपा ल्हातिं मरी मबु खनि । छम्हेस्याँ जक छुँ याये फैमखु खनि । अथे हे जुया महाद्यःया लिक्कसँ कवँचा व लक्ष्मी द्यःया लिक्कसँ भकुँग्वारा ख्याःत पिवाः थें च्वनाः च्वनिगु ।
=> बुँख्याःचा नेवाः
No comments:
Post a Comment