ग्वंग: हाल न्ह्यलं चाल ख्वासिलेत ल मन्त
जिम्मां हाल सिक्के हाल जा थुइत ल मन्त
नेता धाःगु जुइगु थन जनता सीगु न्यंगु मख्त
तेकु हस्पितलय् नं झाराबान्ता ल्वय् जुया
मनुत अन ग्वा ग्वा
थौं कन्हेया लः त्वना जिगु नं प्वाः स्याःसा ??
धम्प तछ्या का पासापिं धम्प तछ्या
धम्प तछ्या का पासापिं धम्प तछ्या
हितियु धेबा पुलाःनं लःत्वने मखँपि दु ग्वा ग्वा
लःयु समस्यां जुल हाहाकार त्वा बाहा
गलिसिया ज्याय् वने लिबा
ज्याः मवंल थौ धेबा
मस्तय् आखः ब्वने मखं
यःयःगु इलय् मत सिना
ल्वापुखिचात ल्वापु याना
खुँ तय्सँ खु जक खुया
लः धनि दे या न्हाय् गन वन या ??
धम्प तछ्या का पासापिं धम्प तछ्या
धम्प तछ्या का पासापिं धम्प तछ्या
जा नय् मखना मस्त ख्वल न्हिच्छि ह्वायेँ ह्वायेँ
मांअबु लः का वन हितिइ ब्वायेँ ब्वायेँ
स्वयंम्भु त्वाथः सिबें तःहाकःगु लाइन खना
तुतिं बयेँ मचुल हँसं म्हं त्वतल
गुलिस्यां प्राण त्वतल
थ्व खँ न्येना जिगु नुगः तसकं तसकँ ख्वल च्वायेँ
धम्प तछ्या का पासापिं धम्प तछ्या
धम्प तछ्या का पासापिं धम्प तछ्या
https://m.youtube.com/watch?v=TJ5m0eRTJcs&feature=youtu.be