सिरि सिरि फसं जित

सिरि सिरि फसं जित कुचुकुचु नकल
जोवन मसुमुसु काल
वाउँ घायेंया लासाय् द्ये:ना मन जिगु वाउँल
मुखु ब्यना ह्वगु स्वाँनं जित न्हिकल
नागबेली गुँया लँपुं जित न्याकुं चाय्कल ...... छमछम काल

बसन्तया अय्लाखनं धे धे चुइक जोवन
मिखायागु झ्याल्ये वया पिया च्वन
कुरीकुरी चिंगु श्वासः सुलासुला थ्व मन
फिरिफिरि सना मिखा च्वन

भवं वल स्वाँन न्हिल जित गीजे याःथें जुल
पिया पिया च्वना अय्नं पिया मझाल
केबः निसें  बसन्तनं लसताय् कन स्वः
अय्क्क थिवं मन हथाय् चाल