मैचाया सपलये च्वंगु स्वां न स्वैत स्वै च्वन

 

मैचाया सपलये च्वंगु स्वां न स्वैत स्वै च्वन
समा याना तःगु ख्वाला जितः ल्वः वन
दाइचाया न्हायेपनय् च्वंगु स्वां न स्वैत स्वै च्वन
धाका तपुलि पुया तःगु जितः ल्वः वन

जिगु बैशं धाल जि ला ल्यासे जुया वल रे

मिसा  जिगु बैशं धाल जि ला ल्यासे जुया वल रे

         यंकि रे यंकि छं द दाइचा माया छिनां माया छिना

मिजं छंगु बैशं धाल छ ला ल्यासे जुया वल रे

         धन्ना काये म्वां मयेजु छं छन्त जिं हे यंके माया छिना

छंगु फिगर कोका कोला

भाजु - नुगःया काकःचां कयेका जिं छन्त
           ययेका च्वने जिं जुनि जुनि थ्यंक
            थुलि बाँलासे च्वंगु छंगु व ख्वाला
            छ खना नुगलं धौबजि वाला वाला
           छंगु फिगर छंगु फिगर कोका कोला

आ वइगु स्वाँया पुन्हिंइ चण्डेश्वरीया जात्रा दु

मयेजु - आ वइगु स्वाँया पुन्हिंइ चण्डेश्वरीया जात्रा दु
            यःम्ह भाजु स्व झाय् मखुला ?
भाजु  -  त्वह मदु त्वह माःला जित छं सःतल मयेजु
            जात्रा मखु छन्त स्वयेत वये

अय् मयेजु जिं छन्त पिया

भाजु  अय् मयेजु जिं छन्त पिया
        वये धका छ छाये मवया
मय्जु  अय् भाजु जि सत्य वया
         छं धाः थाये हे थ्यंक वया

भाजु  वयागु खःसा नापमला गथे
        मतिनाय् मखु खँ छता ल्हाये मते
मयेजु  मतिनाय् मखु जुइ हे मज्यु
         मात्तुमाला जिं छन्त खंके मफु
भाजु   अय् मयेजु जिं छन्त पिया
         वये धका छ छाये मवया
मय्जु  अय् भाजु जि सत्य वया
         छं धाः थाये हे थ्यंक वया

भाजु   नापलाये धाःगुलिं लयेता मन ज्वना
        लिमला फमला ब्वायें ब्वाये वया
          अय्नं मवः छ व हे मवः व हे मवः
        अय् मयेजु जिं छन्त पिया
         वये धका छ छाये मवया

मय्जु   जि नं ला छं हे तुं हे
         धायेगु न्ह्यं हे थ्यंक वया
         हुलमुलय् पंगः जुया वंगलय् पिया
         वंगलय् पिया
 भाजु  वंगःलय् ??
मय्जु अं वंगलय्
भाजु  वो मिस अण्डरस्तान्डिगं
          अय् मय्जु जिं असनय् सःता
         छं छाय् वंगलय् वना पिया
मय्जु    अय् भाजु जिं सत्य मता
           वंघलय् धका वंघलय् पिया
भाजु   छंगु जिगु छं दोष मदु
         धैगु व न्यंगु जक पाःगु
मय्जु  मतिनाय् थथेला जुया हे च्वनि
         थ्वैत झीसं लोमंके मानि
भाजु   अय् मय्जु आ बाँलाक्क न्यं
        कन्हे गन नापलाय्ग् बाँलाक्क न्यं
मय्जु  अय् भाज् ध्वाथुइक कं
         कन्हे गन नापलाय्गु ध्वाथुइक कं
भाजु   व हे पुलांगु थास्ये नापलाये मज्युला
          मवनागु ताःदत छन्त लुमंला
मय्जु  जिगु मिखाय् उगु थाय् ल्यं हे दनि
          सुला सुला नापलानागु गथे ल्वमनि
भाजु  अय् मय्जु का थौं यात बाय्
         मेगु छुं दु कन्हे हे धाय्
मय्जु   ज्यु ज्यु भाजु अन हे वय्
          आ यात झी वना हे छ्वय्
भाजु  अय् मय्जु का थौं यात बाय्
           गुलि नं ल्यं दु कन्हे हे धाय्
मय्जु  ज्यु ज्यु भाजु अन हे वय्
          आ यात झी वना हे छ्वय्

ल्यासे मयेजु बाँला बेमान याये मते न्हां

ल्यासे मयेजु बाँला  बेमान याये मते न्हां
ल्याम्ह भाजु बाँला बेमान याये मते न्हां

मचा बले जिमी माँनं छित धका बिया हल
अथेँ अथें यःया वल गथे यल जिं मसिल

पुवाःचा निपुचा यःमैं

याकनं याकनं वापिनु बुँइँ जाय्क
बेक्व मिखा छं स्वये  मते ख्वा स्यंक
पुवाःचा निपुचा यःमैं म्हाइपु न्ह्यइपु छखे ति जाय्कि ख्वलाचा

दक्सिबे यःम्ह छ छम्ह दु मेपिं सुं मदु

दक्सिबे यःम्ह छ छम्ह दु मेपिं सुं मदु
छ हे धका पिया च्वना थौं तक्क कुमा जुया

मतिना हे हे मतिना च्वनेवा झी सतिना

मतिना हे हे मतिना च्वनेवा झी सतिना
जिगु नुगलये छ हे जक छंके नं जि हे लाकि
यज्यु हे यज्यु मतिना ख थ्व छिगु

थौं वइला कन्हे वइ ला

मिजं: थौं वइला कन्हे वइ ला, ताला क्यन फुना चिकु ला (२)
          मखु मयजु पियाच्वने आ: ला, आशा जक: वइला वइला,
           माया मदु ला ?
            ल बिया ह्वेकागु स्वाँ जिं थ्वे मदैला ?
मिसा: माँ अबुया य:म्ह म्ह्याय्, दतं फतं जी हे छम्ह (२)
            वा: छता धयादी मते, नापालायेमा: सा झासँ दाइचा झ्याले च्वंच्वने
                आय बुयाँ छु याये दाइचा, जि जक मन च्वं ला ?
मिजं: साया घा: कोखं मस्यु, जिगु जक: छं गथे सीगु (२)
          न्हिछी थन झ्या: प्यु वयेत आलु ब्वय पिवा: च्वंपिं मदु
            छं छु खँ ल्हानां ?
मिसा: थ: गु घा: थ:म्ह जक स्यू, जिगु छेंया खँ छिं छु स्यू (२)
             बरू कन्हे पुन्ही मखुला ? ग:चा: हिले थें वये का दाइचा,
             ज्यु ला, मज्यु ला ?
मिजं: लूँ हिती, वह हिती, ल्वहं हिती नं हिती हे मखुला (२)
              नाप लानां बायेगु स्वय ला, तस्बिर जक साँ ब्यू धया मयजु
               उलि नं मज्यू ला ?
मिसा: पशुपति, गुह्येश्वरी, छ्यें च्वना दर्शन मदु ला (२)
           मन दुनेसं तस्बिर दया नं भ्वंया तस्बिर मा: ला दाइचा,
           बीला मबीला ?
मिजं: ल बिया ह्वेकागु स्वाँ जिं थ्वे मदैला ?
मिसा: आय बुयाँ छु याये दाइचा, जि जक मन च्वं ला ?
           दाइचा जि जक मन च्वं ला ?

पिया जिं पिया छन्त यक्व हे पिया

पिया जिं पिया छन्त यक्व हे पिया
छं ब्युगु इ स्वयांनं अप्व इल्ये पिया
छ वइगु लँपुइ मतिनाया मिखा लाया
वयेगु बचं बियानं छ छाय् मवया ?

यौवनया गाच्व ब्वयेका रे मैंचा

यौवनया गाच्व ब्वयेका रे मैंचा

यौवनया गाच्व ब्वयेका रे

गाच्व लिसें मन ब्वयेका
जिगु मन ख्वयेकेत्यना ला

सरगतय् इमां मन्द काःथें

सरगतय् इमां मन्द काःथें
छंगु जःखः थ्व मन ब्वया च्वन
स्वाँ क्यबय् भम्व लस्कर वःथें
जिगु मिखां छ हे जक खना च्वन
सरगतय्

न्ह्यलय् ज्वलय् छ हे छम्ह

न्ह्यलय् ज्वलय् छ हे छम्ह
झस्स झस्स लुमनि
मन माने मजुल
छन्थाय् वया छु जुल
सुं मदुगु ताक स्वया वा
जि यम्ह दाइचा
सुं मदुगु ताक स्वया वा

झ्यालय् दाजु कसिइ तता
बिन्ति जिगु न्ञरे छता
जःलाखःलां छु छु धाल
मन जिगु अथें ख्वल
सुं मदुगु ताक स्वया वा
जि यम्ह दाइचा
सुं मदुगु ताक स्वया वा

न्ह्यामेस्यां न्ह्याग्गु धाःसां
च्युता काय्गु याय्मते
जःलाखःला धैपिं कतः स्यंगु स्वैपिं
खँ जिगु थुला मथुला:
जि यम्ह मैंचा
खँ जिगु थुल मखुला ?

छंगु मायां त्यतु त्यया
मस्यु जित छु या छु या
मन ग्यानाः जातः क्येना
गुरु भाजु हल ख्याना
आला जि मखुथें जुल हँ
जि यम्ह दाइचा
आला जि मखुथें जुल हँ

ल्याम्ह भुतं पुुन जुइ
निगु सास जुल जुइ
आनं थःछेँ धया च्वंसा
म्वाःगु जात्रा छंगु जुइ
खँ जिगु थुला मथुला:
जि यम्ह मैंचा
खँ जिगु थुल मखुला ?

स्वय् धका स्वैगु मखु

स्वय् धका स्वैगु मखु
मिखा ल्वात छु याये मय्जु
तँचाय् मते न्हां

होलिया मेला मय्जुं मस्युला

होलिया मेला मय्जुं मस्युला
अबिर भचासां तय् न्ह्यांला
मयः जितला सहयाय् मखु न्हां

हथाय् चाचां पलिस्था छ

हथाय् चाचां पलिस्था छ गन वने त्यनागु ?
यचु पिचु समा याना स्वैत क्यं वने त्यनागु ?

छंगु केलेहें हंगु मिखां

छंगु केलेहें हंगु मिखां
जिगु मन सालाकाल स्व
गथेमथे झी मिखा ल्वाइगु
छ बिना म्वाय्त जित थाकुल

म्हिगः छिम्थाय् भ्वये नं वया

म्हिगः छिम्थाय् भ्वये नं वया
 छं अय्ला: त्वंकुगु
व अय्ला: त्वंसे नसें
 मन जिगु स्येन स्व

मायां भःचा अय्ला त्वंका
मन स्यन धाल छिसँ
गन्थाय् लाक्क मन स्यन
जित छकः छिसँ धया ब्यू

हनुमानं छाति फाया
रामसीता दुने क्यं थें
क्वछुना अय्ला लूगु
तसबीर छंगु जिके दु
वयेँ जक यातला
मन जिगु स्यनला
म्हुतुइ छता मनये छता
छाय् तय् माल छिं

पुखु दथुइ ह्वया च्वंगु
पले स्वाँ थें छंगु ख्वाः
स्वर्गं वम्ह परी थें
स्व स्वं मगा छंगु ख्वा

नु थज्यागु संसार दय्के

नु थज्यागु संसार दय्के
गन छ जि सिबें सुं मदै
झङ्गपंक्षि न्ह्यैपुक्क ब्वः थें
छचाःखेरं हे सुगन्ध ब्वै

मतिनाया सिचुगु फय् बि छन्त
मतिना नुगःया सः बि छन्त
मतिनाया लुमुगु जः बि छन्त
मतिनाया स्वाँथें ह्वय् बि छन्त
अबले धात्थें हे
झीगु जःखः
सुखशान्तिया उमङ्ग ब्वइ
नु थज्यागु संसार दय्के
गन छ जि सिबें सुं मदै
झङ्ग पंक्षि न्ह्यैपुक्क ब्वः थें
छचाःखेरं हे सुगन्ध ब्वै