राजमति कुमति जिके वःसा पिरति

राजमति कुमति जिके वःसा पिरति हाय् बाबा राजमतिचा
राजमति मबिल धासा कासिइ वने त्य्ल बुबा हया ब्यु राजमतिचा

सँ धासा कुली कुली मिखा धासा बाँला बाँला सकुमिया म्ह्याय् मचाला
ख्वा धाःसा तुयु ख्वा ताहाननिया राजमतिचा

खेँ ख्वला ध्याक्वय् दं, पसः बजि धु दं राजमति भुलुसुलु दँ
राजमति गन दु इतुम्बाहालय् छम्ह दु हया ब्यु राजमति चा
न्हापा वःम्ह तःरि थकु लिपा वःम्ह चिरि थकु वयांलिपा राजमतिचा
तरी थकु मयः जित चिरि थकु मिले मजु राजमति ब्याहायाना ब्यु

तरि थकुया तायः दु चिरि धकुया पायः दु राजमतिया बिजकनि दु
बिजकनि मदुम्ह कला जित मयः बुबा हया ब्यु राजमतिचा
थःनेया थँहिति क्वःनेया क्वहिति बिचय् लाक्क क्वहिति
मरुहितिइ लःका वना राजमति थस्सपाल न्हां

तिसा नं तिय्का गुजराति पुय्का राजमति ब्याहा याना ब्यु
राजमति बिल धासा कासिइ वनेमखु बुबा हयाब्यु राजमतिचा
चण्डालम्ह लमिलाना म्हां म्हां धाय्क बिया छ्वत लातमखुला सँझ्या मदुगु छेँ
धिक्कार जनम राजमतिया करम बैंसय् भातः मदुम्ह
राजमति कुमति जिके वःसा पिरति हाय् बाबा राजमतिचा
राजमति मबिल धासा कासिइ वने त्य्ल बुबा हया ब्यु राजमतिचा