य: मरि च्वामु, उकिइ दुने हामु

य: मरि च्वामु, उकिइ दुने हामु
बिउम्ह ल्यासे, मबिउम्ह बुरिकुति
त्य: छिं त्य:, बकछिं त्य:
लातापाता कुलिचां जुसें त्य:


नेपा: देय्‌या नेपा:मि
झीपिं अहो गज्या:पिं
मिखा ह्वातां चायेका: न्ह्यलं ब्वाना च्वनापिं

चायेकि बाबा ! चायेकि रे
नुग: मिखा चायेकि रे
थपाय्‌सकं कुतुंवनं झीपिं गज्या:पिं

त्य: छिं त्य: ......................

चायेक चायेकं मचा:गु
थ्व ल्वय् झीगु गज्या:गु
सीगु , सीगु थ्व सिबय् ला सीगु बरु भिं

कि मखुसा दना वा
मल: मिखा कना वा
न्हूगु इतिहास झीसं च्वये वा झीगु हिं

त्य: छिं त्य: .......................

सी हे मा:सा ल्वाना: सी
छाय् लिचिले ग्याना झी
झीगु बाबा ! झीगु , झीगु नेपा: झीगु ख:

लाका त:गु लित काये
झीगु मुकं झीगु याये
थ्वया निंतिं मा:गु झीत छप्पं ज्वीगु ख:

त्य: छिं त्य: .......................

ल्याय्‌म्ह , ल्याय्‌म्ह जुया वा
ल्यासे , ल्यासे जुया वा
ज्याथ: जिथिपिं नं जुरुजारु दना वा

झीपिं दने छकलं
मे नं हाले छसलं
छम्ह जुया: हलिं न्ह्य:ने नेपा: थने वा

त्य: छिं त्य:, बकछिं त्य:
लातापाता कुलिचां जुसें त्य:

थुगुसिइ य:मरि पुन्हि कुन्ह थ्व मे हाला: त्य:छिंत्य: फ्वनादिसँ।
य: मरि पुन्हिया लसताय् नेवा: तय्‌गु नितिं झी जनकवि दुर्गालाल श्रेष्ठया च्वसां पिज्व:गु मे
लय् : मदुम्ह कान्छाबुद्ध बज्राचार्य
सः पबित्र कसा