असारया सिन्हां ज्या भुलुभुलु सःसिवा

असारया सिन्हां ज्या भुलुभुलु सःसिवा
सिरिसिरि फसं दाया मन चङ्गा
ज्यापुया काये मचा न्हिंया न्हिंथं बुँया ज्या:
अथां वया इँ व मुगःचा


वा फये निभाः लिसे ल्वाना
कुले बुँया चा तछ्याना
बुँ माथं वंका अले पुवाचा पिना
त्यानुल धायेवं चःति हुया झासुलनि
इलये ब्यलये सोंमां ज्वना

हिसि दुम्ह मैंचा वल
न्याकुँ कया सोमां ज्वना
ल्याम्ह म्ह ज्यापुं वैत केलें स्वत न्हां
ज्यापुनं म्ये हाल
मैंचानं प्याखँ हुल
गुलि रसं जाःगु सिन्हां ज्या

वाउँसे च्वंगु पुवाःचा
बुँया यःगु तिसाःचा
थ्वहे तिसां तियेकिपिं जि ज्यापु चा
ज्यापुया काये मचा लोकया लिधंसा
तर ताल सुंया न्ह्यब्वसा
असारया सिन्हां ज्या भुलुभुलु सःसिवा
सिरिसिरि फसं दाया मन चङ्गा
ज्यापुया काये मचा न्हिंया न्हिंथं बुँया ज्या
अथां वया इँ व मुगःचा