सँझ्याःले तिकिझ्याःले मय्जु लानीझ्याःले

नेवाः म्येचाःतय्गु नां जक दुथ्यागु छगुयां  छगु म्ये

सँझ्याःले तिकिझ्याःले मय्जु लानीझ्याःले पुलुपुलु स्वयाः
नखचख जात्राया हुले छन्त लुमंका लिफः लिफः स्वया

छ व जि व मतिना लःल्हाना यांउक च्वने थौंकन्हे गन दु ?
मचाय्क मतिनाया जः जुइम्ह बाँलाम्ह मय्जु गन दु ?
सँझ्याःले तिकिझ्याःले मयेजु लानीझ्याःले पुलुपुलु स्वयाः

केलेहें मिखां आस्कुति पहलं स्वय्वं लयें वम्ह मय्जु
बालाबाला चिंगु मिखाया अजःलं प्रेमया नशांकल यज्यु
जित लुमंका मतिनाया देछा बीइ धाःगु लुमन्ति जक दु ?
मचाय्क मतिनाया स्वाँ बिम्ह बाँलाम्ह मय्जु गन दु ?
सँझ्याःले तिकिझ्याःले मयेजु लानीझ्याःले पुलुपुलु स्वयाः

छन्त यय्के धुंका छ वइ धका पिया च्वना जित यम्ह मय्जु
छंगु किपाः मनतयेक स्वयानं लुमंधं हिसि दुम्ह मय्जु
छ लिसें तापाय्वं ख्वःगु नुगले मिजलाया ब्वाला च्याःगु दु
मचाय्क मतिनाया अन्तिं लुइम्ह बाँलाम्ह मय्जु गन दु ?
सँझ्याःले तिकिझ्याःले मय्जु लानीझ्याःले पुलुपुलु स्वयाः