जीवनला धात्थें दुःखया सागर खनि
यःसां मयःसां फुसां मफुसां म्वाये हे मां खनि
खयेतला सागर हे खव छचाखेरं लःया ल
गज्याःगु लः व स्वैगुं प्याचाः तंके मफुगु
धायेतला समाज धाइ व छचाखेरं थः या थः
गज्याःगु थः व थवं भाव भ्याः हे मदुगु
ह्व्येतला स्वाँ ह्वःगु ख व छचाखेरं कंयाकं
गुली अजुचाइ पूगु कं नाप हे स्वाँ ह्व्ये माःगु
धायेतला सुर्द्यः धाइ व छचाखेरं जःया जः
गुली अःखः जू व ख्यूंक सुर्द्यः बी हे माःगु
No comments:
Post a Comment