म्वाय्लि पुया कावा याकनं दाईचा
छंगु नांया स्वाँ ह्वया च्वंगु ईलय्
स्वय्म्बर याना काःवा याकनं दाइचा
जिगु थ्व यौवन ह्वया च्वंगु ईलय्
म्वाय्लि पुया कावा याकनं दाईचा
वा फय् वलकि थ्व मन ब्वया वनिगु
हुलय् वनकि थ्व मिखा मेथाय् लाय् फु
ईहिपाया निम्तिं सकतां ज्या क्वछिना
झीगु निगु जीवन छगुलिइ हे लाका छ्व
म्वाय्लि पुया काःवा याकनं दाईचा......
जात्राय् वनकि सकस्यां मिखा ल्वाय् फु
मां अबुं जिगु ईहिपा मेथाये क्वजिई नं फु
यः त्यःया झीगु बाखँ न्ह्यैपुक्कक्वचाय्केत
छं जित याकनं थम्ह हे याना छ्व
म्वाय्लि पुया कावा याकनं दाईचा......"
No comments:
Post a Comment