बिश्वया शान्ति यायेत झाःम्ह श्री बुद्ध भगवान

बिश्वया शान्ति यायेत झाःम्ह श्री बुद्ध भगवान
दर्शन यायेत वया झीपिं हृदय स्वाँ ज्वना
हृदय स्वाँ ज्वना


लुम्बिनि बनस  जन्म जुल छि बुद्ध जुयेत छि हे
भगवन बुद्ध जुयेत छि
देवादि मनुष्य प्राणि पिन्त शान्ति ब्यु झाम्ह छि हे
दर्शन यायेत वया झीपिं हृदय स्वाँ ज्वना

राष्ट्रिय सुखया वैभव त्वता ज्ञान माँवंम्ह छि हे
भगवन ज्ञान माँवंम्ह छि हे
दुखि पिनिगु दुःख फुकेत बिज्याम्ह छि हे मुनि
दर्शन यायेत वया झीपिं हृदय स्वाँ ज्वना

बुद्ध गयाये बोधिया सिमा क्वये बुद्धत्व लाःगु छिं हे
भगवन बुद्धत्व लाःगु छिं हे
वहे ज्ञान बिइ स्वेत बिल छिं शान्ति सुधाया सार
दर्शन यायेत वया झीपिं हृदय स्वाँ ज्वना

शान्ति बियेत शान्ति हे कुना त्वता क्रान्तिया वम्ह छि हे
भगवन क्रान्तिया वम्ह छि हे
हिम्सा आशक्त दुराचारया ध्वंस यात व छिं हे
दर्शन यायेत वया झीपिं हृदय स्वाँ ज्वना

अहिंसा शिल व सत्य ज्ञान समता क्यं वम्ह छिं हे
भगवन समता क्यं वम्ह छिं हे
दुःखिपिन्त शान्तिया मार्ग क्यनाव बिम्ह छि हे
दर्शन यायेत झीपिं हृदय स्वाँ ज्वना
बिश्वया शान्ति यायेत झाःम्ह श्री बुद्ध भगवान
दर्शन यायेत वया झीपिं हृदय स्वाँ ज्वना
हृदय स्वाँ ज्वना
हृदय स्वाँ ज्वना
हृदय स्वाँ ज्वना
हृदय स्वाँ ज्वना