वल वल स्वन्ति वल

वल वल वल वल स्वन्ति वल
न्हुगु दँ नं झीगु न्ह्योने थ्यंक वल

म्हं पुजायाना मन झीगु भिंका
न्हुगु लक्ष्य झीसँ काय्
वल वल वल वल वल स्वन्ति वल
न्हुगु दँ नं झीगु न्ह्योने थ्यंक वल

थः थः ल्वाय्गु त्वता, दक्वसित थः हे याना
स्याय्गु पालेगु दक्वं त्वता, प्रगतिया बिज ब्वला
ग्वाहाली याय्गु भावना दय्का
भ्रान्ती चिइका शान्ति हया
हने वा हने वा
न्हुं दँ छन्हु न्ह्यै पुक्क म्ह पुजा झीसँ याय् वा याय् वा या
मन्द झीसँ च्वय्
जीवनया नक्शा च्वय्
खेलु इता झीसँ च्याके
थःत नं भिंका यँके
स्वाँ तया, ताये तया,
वा तया, आखे तया,
सिन्ह तिका, चिकँ थाना, अले ?
थःगु नुगःनं तय्
न्हु दँ झीसँ हने
स्वन्ति माने याय्
हे वल वल वल वल वल स्वन्ति वल

नेपाल संवत झीगु संवत
दक्वं सित भिन्तुना देछाय्
नेवाः संस्कृति म्वाका थन
नेवाः तजिलजि भिंका थन
भाषा म्वाका जाति म्वाका
थः थःगु ल्हा ज्वना,
ब्वह ल्वाका, छाति क्येना
हने वा हने वा
न्हुदँ खुन्हु छप्पँ जुया,
नेवाः नखः तःजिक न्ह्याकी वा
गणेद्यः न्ह्यःने तय्,
लक्ष्मी द्यः पुज्याय्े,
ग्वय् स्वाँमां झीसँ क्वखाय्,
झीउच्चे झीसँ च्वने,
भ्वगत्या तया, तःसि तया,
फ्वँसि तया, स्याउ तया,
मरि तया, केरा तया
अले??
साःसाःगु दय्का नय्
न्हुदँ झीसँ हने, स्वन्ति नखः हने
वल वल वल वल स्वन्ति वल

नेवाः जूगु गौरब ताय्का
पुर्खायात इज्जत तया
नेवाःख्यः झीसँ दय्का
झीपिं दक्वं मिले जुया
त्याग याना, बलिदान बिया
नेवा भावना, बुलन्द याना
हने वा हने वा
न्हुंदँ थन स्यल्लाक्क बल्लाक्क, अर्थय् वय्क
स्वन्ति नखः न्याय्के वा, न्याय्के वा
भुस्या धिमे झीसँ थाय्
धाःबाजा झीसँ थ्वय्के
स्वनिगः मतं जाय्के
देगः झीसँ  समा याय्
त्वा दय्का, बाः दय्का
फल्चा भिंका वा पाना
भकारी जाय्का त्वारिवा च्याका
अले ??
थःथः खँ ब्याके, न्हुदँ झीसँ हने
स्वन्ति झःझः धाय्के
वल वल वल वल स्वन्ति वल
न्हुगु दँ नं झीगु न्ह्योने थ्यंक वल
म्हं पुजायाना मन झीगु भिंका
न्हुगु लक्ष्य झीसँ काय्
वल वल वल वल स्वन्ति वल
न्हुगु दँ नं झीगु न्ह्योने थ्यंक वल