जनता म्वांसा भाषा म्वाइ
नारा जिमिसं बिया च्वना
मां भाषं आखः ब्वनेत
सः थन झीसं थ्वय्का च्वना
ह्युपा हैगु झीसं थन
प्वाः द्यांलाका सीत मखु
हत्या लु बलात्कारया
न्हिं न्हिं खँ न्य्नेत मखु
जनता म्वांसा भाषा म्वाइ
समझदारया नामय् थौं
देश मिया नय् दै मखु
कतःयात लय्ताय्केत
जिमित शोषण याय् दै मखु
जनता म्वांसा भाषा म्वाइ
प्रजातन्त्रया नामं थन
देह ब्यापार याय् दै मखु
स्वार्थया थतिंङ्ग्वारा मि तय्गु च्यः
थ्व देयात याय् दै मखु
No comments:
Post a Comment