नेवाः झी नेवाः हे जुया थःगु भाषं नवाय्नु

नेवाः झी नेवाः हे जुया थःगु भाषं नवाय्नु
झीगु संस्कृति झीगु चलन मस्तयेतनं स्यं स्यं वनेनु

झीगु भाय् मन्त धाःसा चिभाः मदुगु बाहाःथें च्वनी
झीगु संस्कृति मन्त धाःसा द्यः मदुगु देगःथें च्वनी

थ्व हे लुमंका झीगु संस्कृति झीसँ बचेयाय्नु

दाजु किजा थःथिति समाज झीगु दय्केनु

गन दइ शोभा झीगु भाये मन्त धाःसा थ्व देया थन
झीगु संस्कृति झीगु चलन झीगु भाषं नवाय्वा
थ्व लुमंका नेवाः झी छधी छप्पं जुइनु
झीगु संस्कृति झीगु चलन सकसितं स्यं स्यं वनेनु
नेवाः झी नेवाः हे जुया थःगु भाषं नवाय्नु
झीगु संस्कृति झीगु चलन मस्तय्तनं स्यं स्यं वनेनु......